കോഴിക്കോട് ഗവ. ബീച്ച് ആശുപത്രിയിലെ നവീകരിച്ച മോർച്ചറിയുടെ ഉദ്ഘാടനം തുറമുഖ-പുരാവസ്തു വകുപ്പ് മന്ത്രി അഹമ്മദ് ദേവർകോവിൽ നിർവഹിച്ചു. മോർച്ചറിയിലേക്കുള്ള ഉപകരണങ്ങളും മന്ത്രി ചടങ്ങിൽ കെെമാറി. ഗുഡ് വിൽ ഫൗണ്ടേഷന്റെ നേതൃത്വത്തിലാണ് നവീകരണ പ്രവൃത്തികൾ നടത്തിയത്.
ചടങ്ങിൽ ആശുപത്രി ജൂനിയർ സൂപ്രണ്ട് കെ.എം സച്ചിൻ ബാബു അധ്യക്ഷത വഹിച്ചു. പി.സിക്കന്തർ റിപ്പോർട്ട് അവതരിപ്പിച്ചു. ആർ.എം.ഒ സി.ബി ശ്രീജിത്ത്, എ.ആർ.എം.ഒ ഡോ. മുനവർ റഹ്മാൻ, എൽ.എസ്.ആന്റ് ടി എ.വി അഗസ്റ്റിൻ, വി.വി അബ്ദു റഹിമാൻ, പി.എം മുഹമ്മദ് അഷ്റഫ്, സിദ്ദിഖ് കുറ്റിക്കാട്ടൂർ തുടങ്ങിയവർ സംസാരിച്ചു. അബ്ദുള്ളകോയ കണ്ണൻകടവ് സ്വാഗതവും ഫോറൻസിക് മെഡിസിൻ ജൂനിയർ കൺസൾട്ടന്റ് ഡോ. കെ മൃദുലാൽ നന്ദിയും പറഞ്ഞു